ከም ኣዕቖብቲ ወለዲ መጠን ነዞም መንእሰያት እዚኣቶም ክትሕግዝዎም ትኽእሉ ኢኹም!
ነዞም መንእሰያት እዚኣቶምን ንመቕርቦምን ብሓቂ ክትሕግዝዎም ትኽእሉ ኢኹም። መንእሰያት ስደተኛታት ኣብ ስድራ ቤት ድሕንነትን ውሕስነትን ክስምዖምን፣ ኣቓልቦ ክረኽቡን ምውቕ ስድራ ቤት ክህልዎምን የድልዮም እዩ። ስለዚ ድማ ንሕና ንበይኖም ብዘይ ወለዶም ናብ ነዘርላንድ ንዝተሰደዱ ትሕቲ ዕድመ ቖልዑ (AMV’s) ኣብ ትሕቲ ዑቕባ ዝህቡ ስድራቤት ንኽቕመጡ ኢና ንመርጽ። ስለ’ዚ ንሓጺር እዋን ወይ ንንውሕ ዝበለ እዋን ንቖልዑ ኣብ ቤቶም ብምዕቋብ ክኣልዩን ክከናኸኑን ፍቓደኛታት ዝዀኑ ስድራ ቤታትን ልዕሊ ዕድመ ዝኾኑ ሰባትን ንደልይ ኣሎና።
ከም መሰጋገርቲ ስድራቤት መጠን ምሳና ብምምይያጥ ን 1 ወይ ካብ ሓደ ንላዕሊ ንዝኾኑ መንእሰያት ክሳብ ቀዋሚ ቦታ ዝርከበሎም ንሒደት መዓልታት ምሳኹም ተቐምጥዎም እንተ በዝሐ ድማ ን 3 -ሰሙናት።
ከም መዕቆብቲ ስድራ ቤት መጠን ብዘይ ወለዶም ንበይኖም ንዝተሰደዱ ትሕቲ ዕድመ ቖልዑ ናይ ዑቕባ ምሕታት መስርሖም ኣብ ዝገብርሉ እዋን ምሳኹም ተቐምጥዎም። እዚ ምዕቋብ መስርሕ እንተ ወሓደ ንሒደት ኣዋርሕ ኾይኑ መንበሪ ፍቓድ ክሳዕ ዝወሃቦምን ምጥርናፍ ስድራ ቤት ኽሳዕ ዝገብሩን እዩ። ወይ ከኣ ንኣብነት እቲ መንእሰይ ዕድሚኡ 18 ዓመት ኣኺሉ ርእሱ ኽኢሉ ባዕሉ ክነብር ክሳዕ ዝጅምር እዩ።
ኣብ ኒዶስ ኣዕቖብቲ ወላዲ ኽትኰኑ ድልየት ስለ ዘለኩም ብልቢ ነመስግነኩም ኣለና። ኣዕቖብቲ ወላዲ ወይ ስድራ ቤት ንኽትኮኑ ንሕና ፈለማ ንእተፈላለዩ ቅድመ ዅነታት ንምርምር ኢና። ነዚ ኣብ ታሕቲ ዘሎ ናይ ምዝገባ መምልኢ ቅጺ ምልእዎ ወይ ድማ ናብ opvangouders@nidos.nl ብ ኢመይል ልኣኹልና።
